英國升學一二…

現今香港，唔少人有移民嘅打算，海外升學繼而成為咗各位家長最關心嘅事情。作為父母，總係希望子女能夠接受更好嘅教育，有更好嘅未來。作為過來人，以下落嚟我會分享我嘅經歴同心得，希望能夠幫到大家。

選科方面，英國大學比香港有更大自由度。大部分學系入學門檻比香港寬鬆，同學可以按照自己嘅能力同興趣去報讀心怡學科。我自己以 DSE 成績報 UCAS（等同香港 JUPAS）。UCAS 審核香港學生 HKDSE 成績時比 JUPAS 夠有彈性，唔需要睇 Best 5。喺九月份，中六開學嘅時候，同學已經可以申請 UCAS。同 JUPAS 唔同，UCAS 唔需要同學排次序，同學只需要揀5個自己心怡嘅課程。喺到俾個小貼士大家，可以揀讀兩間叻少少嘅大學，再報兩間相對穩陣啲大學，而最後一間就擺自己點都會入到最穩陣嘅學校。一般院校嘅截止日期係第2年嘅1 月15日左右。

但注意！如果同學想報讀牛津、劍橋或大部分同醫科、牙醫、獸醫相關學科，作地嘅截止日期一般較早，大概係10月15日左右就會截止報名。去到第2年嘅2月至6月，大家就會陸續收到各間院校發出嘅 UCAS 申請結果。當6月中，同學就要選擇自己嘅 Firm Choice同 Insurance Choice。

咁如果最後真係不幸地，無一間心儀嘅學校取錄自己，又或者去到六月考完 DSE 先至決定去英國升學咁又點算呀？唔洗驚！以我自己為例，我本身係香港讀緊學士學位，Sem 2 完 Sem 後決定Quit U 到英國繼續升學，即係第2年月先報 JUPAS。因為剩餘學位所限，自己又對英國升學冇乜概念，個陣時我係搵咗升學顧問(Educational Consultant) 幫手報學校嘅。我報 Clearing round 最後亦收到大學嘅 Offer，亦即係報有剩學位嘅學程，當然就唔係最心怡嘅大學喇，入讀左間大學之後，先發現大學裏面，甚至係同班都好多同聲同氣嘅同學，以為自己返咗香港。英國唔同院校各有特色，所以，係度再三提醒家長同同學，就算好趕急先報英國大學都唔使手忙腳亂，但記得記得要做好資料蒐集。喺搵agent幫手嘅同時，亦都要自己搵多啲資料，選擇一間最合適自己嘅學校。

離開舒適地，到異地生活談何容易！或者同學同家長都會覺得好迷惘。其實乜嘢需要準備呢？揀大學嘅時候，除咗學校環境，其實地區都好重要。每個地方嘅物價都好大分別，同埋每間學校同地區都有唔同嘅氛圍。以倫敦為例，倫敦生活固然多姿多彩，但係佢嘅物價亦都比其他地方高，同時間 Campus 都比較分散。同埋同學要準備考 IELTS 同一份 Personal Statement 去介紹自己，唔好唔記得表現自己對學科嘅熱情同埋你嘅技能呀！

如果想知更多關於英國升學嘅資料，就繼續留意我哋啦
BS Portal   Facebook 同 MEWE 都得～

我祝願大家一路順風，前程似錦。